საქართველოს 2013 წლის 17 მაისის საქმეზე, „ქალთა ინიციატივების მხარდამჭერი ჯგუფი და სხვები საქართველოს წინააღმდეგ“ დაზარალებულებისთვის 193 500 ევროს გადახდა მოუწევს. განაჩენი ადამიანის უფლებების ევროპულმა სასამართლომ გამოიტანა.
სტრასბურგის სასამართლოს ვებგვერდზე გამოქვეყნებული ინფორმაციის თანახმად, სასამართლომ დაადგინა, რომ დაირღვა ადამიანის უფლებათა კონვენციის მე-3 მუხლი (არაადამიანური და დამამცირებელი მოპყრობის აკრძალვა), მე- 14 მუხლთან (დისკრიმინაციის აკრძალვა) კავშირში. სასამართლომ ასევე დაადგინა მე-11 მუხლის დარღვევა (შეკრების თავისუფლება).
სასამართლომ დაადგინა, რომ ხელისუფლებამ ვერ მიიღო ზომები ლგბტ დემონსტრანტების ბრბოსგან დასაცავად, მიუხედავად იმისა, რომ იცოდა მოვლენასთან დაკავშირებული რისკები.
