„ქედს ვიხრი ქართველი სამხედროების წინაშე, რომლებმაც ამ საპასუხისმგებლო მისიაში მონაწილეობით, საქართველოს ევროატლანტიკური ინტეგრაციის პროცესში ღირსეული წვლილი შეიტანეს,“ – ასე ეხმაურება მამუკა მდინარაძე ავღანეთში ქართული ჯარის მისიის დასრულებას.
„ჩრდილოატლანტიკურმა ალიანსმა ავღანეთის მისიის ეტაპობრივად დასრულებისა და საჯარისო შენაერთების ავღანეთის ტერიტორიიდან გაყვანის გადაწყვეტილება მიიღო. ნატო-სთან შეთანხმებული გრაფიკით, ავღანეთს დატოვებს 860 ქართველი სამხედრო მოსამსახურეც. საქართველო „მტკიცე მხარდაჭერის“ მისიაში 2004 წელს ჩაერთო და ბოლო 10 წლის მანძილზე აღნიშნული მისიის ერთ-ერთი უმსხვილესი კონტრიბუტორი იყოა“, – აღნიშნავს მდინარაძე.
