აზერბაიჯანის საგარეო უწყება, მხარს უჭერს საქართველოს ტერიტორიულ მთლიანობას და სუვერენიტეტს, ასევე არ არ აღიარებს აფხაზეთის რეგიონში ჩატარებულ ე.წ. საპარლამენტო არჩევნებს, ისევე როგორც მის შედეგებს – ნათქვამია აზერბაიჯანის საგარეო საქმეთა სამინისტროს მიერ გავრცელებულ განცხადებაში.
ამასთან, განცხადებაში აღნიშნულია, რომ აზერბაიჯანის საგარეო საქმეთა სამინისტრო მნიშვნელოვნად მიიჩნევს მოლაპარაკებების გაგრძელებას აფხაზეთის საკითხის მშვიდობიანი გზით მოგვარებასთან დაკავშირებით.
,,აზერბაიჯანის რესპუბლიკის საგარეო საქმეთა სამინისტრო კიდევ ერთხელ ადასტურებს საკუთარ მხარდაჭერას საქართველოს სუვერენიტეტისა და ტერიტორიული მთლიანობისადმი და არ აღიარებს 2022 წლის 12 მარტს საქართველოს აფხაზეთის რეგიონში ჩატარებულ ე.წ. საპარლამენტო არჩევნებს, ისევე როგორც მის შედეგებს.
აზერბაიჯანის რესპუბლიკის საგარეო საქმეთა სამინისტრო მნიშვნელოვნად მიიჩნევს მოლაპარაკებების გაგრძელებას აფხაზეთის საკითხის მშვიდობიანი გზით მოგვარებასთან დაკავშირებით, საერთაშორისო სამართლის ნორმების და პრინციპების დაცვით,” – ნათქვამია აზერბაიჯანის საგარეო საქმეთა სამინისტროს განცხადებაში.
