“სამართლიანი არჩევნების” ხელმძღვანელის ნინო დოლიძის განცხადებით, არჩევნების მეორე ტურის წინ ჩვენ ვხედავთ უფრო გამძაფრებულ პოლარიზაციას და დაპირისპირებას, მათ შორის, სოციალური ქსელების საშუალებით.
მისი თქმით, დღეს არასამთავრობო ორგანიზაციები ევროკავშირის წარმომადგენლობაში განიხილავენ თუ რა გამოწვევები არსებობს არჩევნების მეორე ტურთან დაკავშირებით.
“პირველ ტურზეც არ იყო ნაკლებ აგრესიული კამპანია, თუმცა, მეორე ტურზე ეს არის გამძაფრებული, რადგან ფაქტიურად ორ პარტიას და მათ კანდიდატებს შორის რჩება უმეტეს ქალაქებში მეორე ტური, ამიტომ ჩვენ ვხედავთ უფრო გამძაფრებულ პოლარიზაციას და დაპირისპირებას, მათ შორის, სოციალური ქსელების საშუალებით, სადაც ვიდოებიც გავრცელდა. ამიტომ ჩვენი მხრიდან შეხვედრაზე ვისაუბრებთ იმ გარემოზე, რასაც ვხედავთ და ველოდებით, ასევე, ალბათ, იმას, რა რეკომენდაციები უნდა გააკეთონ ჩვენმა პარტნიორებმა, რომ მეორე ტურმა მშვიდ გარემოშო ჩაიაროს და მოქალაქეებს მიეცეთ შესაძლებლობა, მისცენ ხმა ვისაც სურთ და ნაკლები იყოს პრობლემები რაც პირველ ტურში ვიხილეთ,”- განაცხადა დოლიძემ.
