თავისუფლების მოედანზე მიხეილ სააკაშვილის გათავისუფლების მოთხოვნით დაანონსებული აქციისთვის მოსამზადებელი სამუშაოები მიმდინარეობს. დედაქალაქის საკრებულოს მიმდებარე ტერიტორიაზე საავტომობილო მოძრაობა გადაიკეტა.
თავისუფლების მოედანზე დამონტაჟებულია სცენა. აქვე დამონტაჟდება მონიტორიც. სწორედ ამ სცენიდან მიმართავენ პარტიის ლიდერები აქციაზე შეკრებილებს.
თავისუფლების მოედანზე იმყოფებიან „ნაციონალური მოძრაობის” ლიდერები და მხარდამჭერები. აქვე არიან სამართალდამცველებიც.
ცნობისთვის, „ნაციონალური მოძრაობის“ ორგანიზებით, საქართველოს მესამე პრეზიდენტის მიხეილ სააკაშვილის გათავისუფლების მოთხოვნით თბილისში აქცია გაიმართება. აქცია თავისუფლების მოედანზე 18:00 საათზე დაიწყება
