სამართალდამცველებმა ექვსი პირი, მათ შორის კობა კობალაძის ვაჟი, დავით კობალაძეც, 2020 წლის 11 ივლისს დააკავეს. თბილისის ვაკე-საბურთალოს რაიონულმა პროკურატურამ გ.ე.-ს მიმართ განხორციელებული ფიზიკური ძალადობისა და ჯანმრთელობის დაზიანების ფაქტზე 6 პირს ბრალი წარუდგინა. პროკურატურის ინფორმაციით, გიორგი ენდელაძეს 6 პირი შურისძიების მოტივით თავს დაესხა, რის შედეგადაც მან მძიმე დაზიანებები მიიღო.
,,რა თქმა უნდა, განვიცდი და ვარ საკმაოდ აღელვებული. ახალგაზრდების ეს სისასტიკე, ეს ურთიერთგარჩევები, მესმის ახალგაზრდების სისხლის ჩქეფაც, შემართებაც, ჩხუბიც მესმის, მაგრამ სისასტიკეს ვერ ვიგებ და ვერ გავიგებ ვერასდროს, როდესაც ჩვენ ერთი ქვეყნის შვილები ვართ.’’ – ამის შესახებ საპარლამენტო უმრავლესობის დეპუტატმა, კობა კობალაძემ ჟურნალისტებს განუცხადა, როდესაც კომენტარი მის შვილთან დაკავშირებით მომხდარ ფაქტზე გააკეთა
ელენე დათეშიძე