საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარის, დავით ნარმანიას განცხადებით, „ენერგეტიკისა და წყალმომარაგების შესახებ“ კანონპროექტის მიღებით ქვეყნის ენერგეტიკული უსაფრთხოების ინტერესები მაქსიმალურად დაცული და უზრუნველყოფილი იქნება. მისი თქმით, ამ ცვლილებებით ქვეყანა შეძლებს, რომ ოკუპანტი სახელმწიფოს წარმომადგენელი ან შავი ფულის მეპატრონე ვერ შევა ისეთ სენსიტიურ სექტორებში, როგორიც არის – ენერგეტიკა და გაზმომარაგება. ნარმანია აცხადებს, რომ ამ სექტორში პროცესები ღია და გამჭვირვალე უნდა იყოს, რაც წარდგენილი კანონპროექტით მეტად იქნება უზრუნველყოფილი. ამის გარანტია კი, თავის მხრივ მარეგულირებელი კომისია გახდება. საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ) უფლებამოსილი ხდება, ენერგეტიკისა და წყალმომარაგების სექტორებში მომუშავე კომპანიებს ხუთ პროცენტზე უფრო მეტი წილის/აქციების გასხვისება აუკრძალოს.
ელენე დათეშიძე
