თემქის ხევის ტერიტორიაზე საქალაქო პარკის მოწყობის სამუშაოები დაიწყო, – ამის შესახებ დედაქალაქის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა. მისი თქმით, აღნიშნული ტერიტორია წლების განმავლობაში დაჭაობებული და ნაგავსაყრელად იყო ქცეული.
თბილისის მერის თქმით, ამ ეტაპზე დაჭაობებული გრუნტის გამოცვლა მიმდინარეობს. სამუშაოების დასრულება კი 2022 წლის დეკემბრისთვის იგეგმება.
ასევე, დაგეგმილია სპორტის სასახლის მიმდებარედ არსებული ე.წ ბარაკების ადგილზე სკვერის გაკეთება. კახა კალაძემ სპორტის სასახლის გარშემო არსებულ განაშენიანებას ურბანული გენოციდი უწოდა.
