აზიისა და წყნარი ოკეანის რეგიონის 15-მა ქვეყანამ მსოფლიოში უმსხვილესი სავაჭრო ბლოკი შექმნეს.
ექსპერტებს მიაჩნიათ, რომ ბლოკის ყველაზე ძლიერი მოთამაშეები – ჩინეთი, იაპონია და სამხრეთ კორეა ამ შეთანხმებით სხვებზე მეტს მოიგებენ. ბლოკის გაფორმებაზე მოლაპარაკება 8 წლის განმავლობაში მიმდინარეობდა.
ექსპერტების გაანგარიშებით, შეთანხმების შედეგად მასში შემავალი ქვეყნები 2030 წლისთვის თითქმის 200 მილიარდი დოლარის მოგებას ნახავენ.
შეთანხმების ძირითადი პუნქტი ვაჭრობის სფეროში ქვეყნებს შორის გარკვეული შეზღუდვების მოხსნას ითვალისწინებს. ბლოკში შემავალ ზოგიერთ ქვეყანას ვაჭრობის გამარტივებაზე ორმხრივი შეთანხმებები უკვე გაფორმებული აქვს.
