ბათუმში მოზარდების მიერ თანატოლის მიმართ განხორციელებულ ძალადობასთან დაკავშირებით, საქართველოს შინაგან საქმეთა სამინისტრომ გამოძიება დაიწყო. უწყების ინფორმაციით, მოზარდები უკვე გამოკითხეს.
„შინაგან საქმეთა სამინისტროსთვის, როგორც კი ცნობილი გახდა ფაქტის შესახებ, დაუყოვნებლივ დაიწყო საგამოძიებო ღონისძიებები. ჩატარდა გამოკითხვები, მათ შორის არასრულწლოვნების. საგამოძიებო მოქმედებები კანონის სრული დაცვით – მშობლებთან და სოცმუშაკთან ერთად ჩატარდა. გამოძიება მიმდინარეობს სისხლის სამართლის კოდექსის 151-ე მუხლით“, – აცხადებენ უწყებაში.
გავრცელებული ინფორმაციით, ბათუმის ერთ-ერთი საჯარო სკოლის მოსწავლეებმა 13 წლის თანატოლი სცემეს, აღნიშნულის ქმედება გადაიღეს, შემდეგ კი გადაღებული ვიდეო სოციალურ ქსელში გაავრცელეს.
