ბიზნესი “კომენდანტის საათის” ორი საათით გადაწევას და შაბათ-კვირას მუშაობის ნებართვას ითხოვს – ამის შესახებ 10 ბიზნესასოციაციის მიმართვაშია აღნიშნული, რომლითაც ასოციაციები პრემიერ-მინისტრსა და უწყებათაშორის საკოორდინაციო საბჭოს მიმართავენ.
ბიზნეს ასოციაციების ერთობლივი მიმართვა 7 პუნქტისგან შედგება. მოთხოვნებს შორისაა 22 თებერვლიდან მთის კურორტების გახსნა და სარესტორნო ბიზნესისთვის მუშაობის უფლების მიცემა დახურულ სივრცეებშიც.
