კომპანია Microsoft-ის დამფუძნებელი ბილ გეიტსი „ტვიტერში“ ახალი კორონავირუსის ვარიანტის „ომიკრონის“ შესახებ წერს და ამბობს, რომ „ომიკრონი“ თითოეული ჩვენგანის სახლში შევა.
მისი თქმით, ყველამ უნდა გავუფრთხილდეთ ერთმანეთს და განსაკუთრებით უნდა გავუფრთხილდეთ დაუცველ ადამიანებს.
როგორც გეიტსი წერს, „ომიკრონს“ სრული სერიოზულობით უნდა მოვეკიდოთ და გავიკეთოთ ბუსტერი.
„სწორედ მაშინ, როდესაც ყველას გვეგონა, რომ ცხოვრება ჩვეულ რიტმს უბრუნდებოდა, ჩვენ, შესაძლოა, ახლა პანდემიის ყველაზე რთულ ფაზაში შევიდეთ. „ომიკრონი“ თითოეული ჩვენგანის სახლში შევა. ჩემს ახლო მეგობრებს დაუდგინდათ კორონავირუსის ეს შტამი და ჩემი შვებულების გეგმების უმეტესობაც გავაუქმე. „ომიკრონი“ ისტორიაში ყველა ვირუსზე უფრო სწრაფად ვრცელდება. ძალიან მალე ის მსოფლიოს ყველა ქვეყანაში იქნება“, – წერს ბილ გეიტსი.
