“ევროპული საქართველოს“ პოლიტსაბჭოს თავმჯდომარე, გიგი წერეთელი აშშ-ს საელჩოს საქართველოს სასამართლო სისტემაზე გავრცელებულ განცხადებას ეხმაურება. მისი თქით, ყველაფრის სწრაფად შემობრუნებაა საჭირო, რაც საბოლოო ჯამში, ხელისუფლების რაც შეიძლება დროული ცვლილებითაა შესაძლებელი.
მისი თქმით, სასამართლო სისტემის მიკერძოებულობა, არაობიექტურობა, პოლიტიკური დაქვემდებარება საქართველოსთვის უზარმაზარი პრობლემაა და ამასთან დაკავშირებით არაერთი ძალიან კრიტიკული შეფასება მოვისმინეთ ჩვენი პარტნიორების, მათ შორის ევროკავშირისა თუ აშშ-ს მხრიდან.
” აშშ-ს საელჩოს ბოლო განცხადებაც დასტურია იმისა, რომ ეს პროცესი აბსოლუტურად შეუსაბამოა საერთაშორისო სტანდარტებთან და იმ ვალდებულებებთან, რომელიც საქართველოს აქვს ნაკისრი, როგორც დასავლეთის პარტნიორ ქვეყანას. ამიტომ ეს უნდა შეიცვალოს აუცილებლად თუ არადა ქვეყანას მუდმივად ექნება პრობლემები და რა თქმა უნდა, ეს ცვლილებები საბოლოო ჯამში დაეფუძნება ხელისუფლების რაც შეიძლება დროულად ცვლილებას“, – განაცხადა წერეთელმა.
ცნობისთვის, აშშ-ს საელჩოს მიერ გავრცელებულ განცხადებაში აღნიშნულია, რომ სასამართლომ ხელიდან გაუშვა შესაძლებლობა წარმოეჩინა გამჭვირვალობა და კვლავ ვერ შეძლო თავის წევრების არჩევა კონკურენტული, დემოკრატიული საარჩევნო პროცესის მეშვეობით.
