გიორგი გაბედავამ გაზეთ „ასავალ-დასავალთან“ ინტერვიუში აღნიშნა, რომ:“ ელისაშვილი სამართლიანობაზე და კაცობაზე რომ დებს თავს, დაავიწყდა რამხელა არაკაცია?! ანდა პარტიულ დროშაზე რაღაც უცნაური შხამისფერი მწვანე ჯვარი რომ გამოჭიმა, აღარ ახსოვს, როგორ დააჭერინა სააკაშვილს 8 მართლმადიდებელი?!“.
გაბედავამ გაიხსენა იციდენტი, რომელსაც მართლაც მოყვა 8 მართლმადიდებელი აქტივისტის დაპატიმრება. კერძოდ: „ 2010 წლის 10 მაისს, როცა ტელეკომპანია “კავკასიის” პირდაპირ ეთერში მიწვეული ხალხი დაგვიჭირეს, ილიას უნივერსიტეტის სტუდენტი ვიყავი და აქტიურად ვმონაწილეობდი სახალხო-მართლმადიდებლურ მოძრაობაში. „კავკასიის” ეთერში მიგვიწვიეს, სადაც ჩვენი ოპონენტები იყვნენ სოროსელი სერგო რატიანი, ბექა მინდიაშვილი და თეო ხატიაშვილი. ერთი ოცი წუთი მაინც ილაპარაკეს, გვლანძღეს, სულ ფაშისტები და პუტინისტები გვეძახეს და მერე დატოვეს ეთერი. მოგვიანებით სტუდიაში შემოვარდა მთვრალი ალეკო ელისაშვილი და დაიწყო უშვერი გინება. თქვენი მართლმადიდებელი დედაცო… ხმაურზე ჩვენი თანმხლები პირებიც გამოჩნდნენ. ერთ-ერთ მათგანს, სკოლის მოსწავლე ჯაბა გურჩიანს ალეკო ელისაშვილმა ხელი გაარტყა. ამასობაში სტუდიაში შემოვიდა პატრული და ყველა დაიჭირა, ვისზეც ნინო ჯანგირაშვილი და ალეკო ელისაშვილი უთითებდნენ.
პოლიციის შენობაში რომ შეგვიყვანეს, იქ დაგვხვდა მაშინდელი გენპროკურორი მურთაზ ზოდელავა, რომელიც დაგვცინოდა- რაო ბრატცი, გაიჩალიჩეთ სროკიო?!
მოკლედ, 8 კაცს მართლმადიდებლობისთვის 7 წლიანი მუხლი წაგვიყენეს, ხულიგნობა პლუს ჟურნალისტური საქმიანობისთვის ხელის შეშლა! მერე აქუბარდია-ჯანგირაშვილსა და ელისაშვილთან ერთად ცრუ მოწმე პოლიციელმაც დაგვადო ხელი! და რომ არა 2012 წლის არჩევნებზე სააკაშვილის რეჟიმის დამარცხება და პოლიტპატიმართა ამნისტია, კიდევ კარგა ხანს ვისხდებოდით ციხეში! ასე, რომ ელისაშვილს არც კაცობა აქვს და არც სამართლიანობის გრძნობა- სააკაშვილს 8 კაცი ციხეში უკანონოდ ჩაასმევინა“,- განაცხადა გაბედავამ.
ცნობისთვის, თბილისის საქალაქო სასამართლომ 2010 წლის 13 აგვისტოს დავით შალამბერიძეს, ავთანდილ ზუმბაძეს, ზვიად ბლიაძეს, ლევან ჩაჩუას, გიორგი გაბედავას, რატი მაისურაძეს, შოთა აფხაიძესა და ჯაბა გურჩიანს მსჯავრი დაადო წინასწარი შეთანხმებით, ჯგუფურად ხულიგნობასა და ჟურნალისტის პროფესიულ საქმიანობაში უკანანოდ ხელის შეშლაში და 2010 წლის 10 მაისს ტელეკომპანია „კავკასიის“ ეთერში მომხდარი ინციდენტისთვის მათ 7 წელი მიუსაჯა.
