ევროპარლამენტარი, ვიოლა ფონ კრამონი Twitter-ის გვერდზე „ნაციონალური მოძრაობის“ პარლამენტში შესვლის გადაწყვეტილებას გამოეხმაურა.
„ძალიან სამწუხაროა, რომ „ერთიანმა ნაციონალურმა მოძრაობამ“ გადაწყვიტა, ამ ეტაპზე ხელი არ მოაწეროს 19 აპრილის შეთანხმებას. ეს შეთანხმება ხელს უწყობს საქართველოს უკეთესი მართლმსაჯულების სისტემისა და უფრო სამართლიანი პარლამენტის ჩამოყალიბებას.
პოლიტიკური პასუხისმგებლობისთვის თავის არიდება და დანარჩენი ოპოზიციის ხარჯზე კმაყოფაზე ყოფნა არაკონსტრუქციული პოლიტიკის ნიშანია“ – აღნიშნა ვიოლა ფონ კრამონმა.
