ელექტროსკუტერების გაზიარების ქართული კომპანია „სქროლი“ ევროპის ბაზარზე გადის

ელექტროსკუტერების გაზიარების სისტემა „სქროლი“, რომელიც დედაქალაქში კორონავირუსის პანდემიის დროს, პირველად 27 აპრილს გამოჩნდა, საზოგადოებრივი ტრანსპორტის შეზღუდვის ფონზე ბევრისთვის სხვა ტრანსპორტის  ალტერნატივად იქცა. თბილისისა და ბათუმის ცენტრში „სქროლს“,  როგორც გადაადგილების საშუალებას შესამჩნევად ბევრი ადამიანი იყენებს.  „სქროლის“ ბიზნესგანვითარების მიმართულების  ხელმძღვანელი დანიელ დოინიცინის განცხადებით, შესაბამისი ინფრასტრუქტურის განვითარების შემთხვევაში, სკუტერების გაზიარების სისტემა საქართველოს სხვა ქალაქებშიც დაინერგება. ხოლო გლობალური ეპიდსიტუაციის დარეგულირების შემდეგ, ქართული „სქროლი“ ევროპის ბაზარსაც შეუერთდება.,,მალე სხვა ქალაქებსა და ევროპის ბაზარზე გასვლასაც ვგეგმავთ, თუმცა ეს დამოკიდებულია პანდემიასა და იმაზე თუ როდის დაუბრუნება მსოფლიო ჩვეულ რიტმს,“ – განმარტავს დანიელ დოინიცინი.