ჩეხეთში ფოლკ-ჯგუფის Asonance-ის ვოკალისტი ჰანკა ჰორკა გარდაიცვალა. ის კორონავირუსით სპეციალურად დაინფიცირდა, რათა დაავადების გადატანის შემდეგ საჯარო დაწესებულებებში ვიზიტის შესაძლებლობა ჰქონოდა.
57 წლის ჰორკა სოციალურ ქსელში წერდა, რომ ის გამოჯანმრთელების გზაზე იყო, თუმცა ამ ჩანაწერიდან ორი დღის შემდეგ გარდაიცვალა.
როგორც მომღერლის ვაჟი იან რეკი ჰყვება, ჰორკამ კორონავირუსი განზრახ დაიმართა. ორჯერადად აცრილი იანი და მამამისი კორონავირუსით დეკემბრის ბოლოს დაინფიცირდნენ, აუცრელი ჰანკა ჰორკა კი იზოლაციის ნაცვლად მათ გვერდით დარჩა.
გარდაცვალებამდე ორი დღით ადრე ჰორკამ დაწერა, რომ მისი მდგომარეობა უმჯობესდება. “ახლა უკვე შესაძლებელი იქნება თეატრში, საუნაში და კონცერტზე წასვლა,” – წერდა ის.
კვირა დილით, გარდაცვალების დღეს, მომღერალმა ახლობლებს უთხრა, რომ თავს უკეთ გრძნობდა და სასეირნოდ გამოეწყო, მაგრამ უცებ ზურგი ასტკივდა და საძინებელში დაწვა, ,,ათ წუთში ყველაფერი დასრულდა, ის გაიგუდა,” – ამბობს მისი შვილი.
მომღერლის ვაჟი იმედოვნებს, რომ ეს ამბავი უფრო მეტ ადამიანს უბიძგებს ვაქცინაციისკენ.
