ამირან გამყრელიძის თქმით, 8 დღიან საკარანტინო ვადას, მხოლოდ საქართველოში შემოსული მოქალაქეები დაექვემდებარებიან და არა ქვეყანაში ინფიცირებულთან კონტაქტირებული პირები.
მისივე თქმით, მე-8 დღეს, ყველა ამ ადამიანს სახელმწიფოს ხარჯზე გაუკეთდება PCR ტესტი და უარყოფითი პასუხის შემთხვევაში ისინი დატოვებენ საკარანტინო ზონას, თუმცა მე-12 დღეს ვალდებულები იქნებიან ტესტი კიდევ ერთხელ ჩაიტარონ.
“8-დღიან საკარანტინო ვადას მხოლოდ საქართველოში შემოსული მოქალაქეები დაექვემდებარებიან და არა ქვეყანაში ინფიცირებულთან კონტაქტირებული პირები. მე-8 დღეს, ყველა ამ ადამიანს სახელმწიფოს ხარჯზე უკეთდება PCR ტესტი და თუ ის უარყოფითია, მაშინ ისინი გამოდიან საკარანტინო სივრცეებიდან იმ პირობით, რომ მე-12 დღეს უნდა ჩაიტარონ ტესტი კვლავ სახელმწიფოს ხარჯზე.
სასურველია და რეკომენდირებული, ამ ადამიანს ჰქონდეს ნაკლები კონტაქტები მე-12 დღემდე საზოგადოებასთან,” – აცხადებს დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე.
