უკრაინის პრეზიდენტი ვოლოდიმირ ზელენსკი ნატოს გენერალურ მდივანს მიმართავს: „თქვენ უნდა გეფიქრათ ხალხზე, ადამიანებზე. თქვენ კი რაზე ფიქრობდით იმ სხდომაზე? ყველა ადამიანი, რომელიც დღეიდან დაიღუპება, დაიღუპება თქვენს გამოც, თქვენი სისუსტის გამო, თქვენი უთანხმოების გამო“
ნატოს გენერალურმა მდივანმა განაცხადა, რომ საბჭოზე უკრაინის საჰაერო სივრცის დახურვაზე დადებითი გადაწყვეტილება არ მიიღეს. სტოლტენბერგის განმარტებით, უკრაინის საჰაერო სივრცის ჩასაკეტად ერთადერთი გზა არსებობს – ნატოს საჰაერო ძალებმა რუსეთის თვითმფრინავები უნდა ჩამოყაროს, რაც ევროპაში სრულმასშტაბიან ომს გამოიწვევს. მისი თქმით, სწორედ ამ მიზეზით, ნატო არ გეგმავს კონფლიქტში ჩართვას არც ხმელეთზე და არც ცაში
ზელენსკის თქმით, რაც დღეს შეძლო ალიანსმა, არის ის, რომ თავისი შესყიდვების სისტემით უკრაინისთვის 50 ტონა დიზელის საწვავი გადაეტანა. ალბათ იმისთვის, რომ ბუდაპეშტის მემორანდუმი კარგად დაიწვას.
“თუმცა, ის უკვე დაიწვა ჩვენთვის რუსეთის ჯარის ცეცხლში. განა ასეთი ნატო გვინდოდა? განა ასეთ ალიანსს აშენებდით? დღეს ალიანსის ხელმძღვანელობამ მწვანე შუქი აუნთო უკრაინის ქალაქებისა და სოფლების შემდგომ დაბომბვებს, როდესაც უარი თქვა ფრენის აკრძალვის ზონაზე. თქვენ შეგეძლოთ საჰაერო სივრცის დახურვა, მაგრამ, მე არ ვიცი, ვისი დაცვა შეგიძლიათ და შეგიძლიათ თუ არა საკუთარი ქვეყნების დაცვა – ალიანსის ქვეყნების“, – განაცხადა ზელენსკიმ.
