ზუგდიდის საკრებულოს სხდომათა დარბაზი საკრებულოს ახლად არჩეულ მოშიმშილე ოპოზიციონერ წევრებს სამართალდამცველებმა ძალის გამოყენებით დაატოვებინეს. მათ ლეიბები საკრებულოს სხდომათა დარბაზში დღეს დილით გაშალეს და აცხადებდნენ, რომ ამ ფორმით, წინა მოწვევის დეპუტატების მიერ, 2022 წლის ბიუჯეტის პროექტის განხილვის დაწყებას და მის დაჩქარებული წესით მიღებას აპროტესტებდნენ.
მოშიმშილე ოპოზიციონერები „ერთიანი ნაციონალური მოძრაობის” ფრაქციის ოთახში შეჰყავთ, სადაც ისინი თავდაპირველად იმყოფებოდნენ.
ზუგდიდის საკრებულომ მოშიმშილეებს რამდენჯერმე მიმართა, რომ დაეტოვებინათ სხდომათა დარბაზი, თუმცა ისინი აცხადებდნენ, რომ არ აპირებდნენ დარბაზის დატოვებას, რის შემდეგაც ისინი დარბაზიდან პოლიციის ძალით გაიყვანეს.
