ზუგდიდის ახალი მოწვევის საკრებულოს სხდომა, წინა ოთხის მსგავსად, ისევ გადაიდო. სხდომის გადადების მიზეზი ამჯერადაც ქვორუმის არ არსებობაა. დღევანდელ სხდომას მხოლოდ 20 წევრი ესწრებოდა.
სხდომაზე, „ნაციონალური მოძრაობის“ 22 დეპუტატიდან არცერთი მივიდა. 12:00 საათზე ჩანიშნული სხდომა თავდაპირველად ერთი საათით გადაიდო. როგორც საკრებულოს უხუცესმა წევრმა კონსტანტინე უბერმა განაცხადა, საკრებულოს რეგლამენტი ითვალისწინებს, რომ კვორუმის არარსებობის შემთხვევაში, სხდომა ამ დროით გადადებულიყო და დეპუტატებს კიდევ მისცემოდათ დრო მისვლისთვის. მცდელობის მიუხედავად, საჭირო რაოდენობის საკრებულოს წევრები მაინც ვერ შეიკრიბნენ, რის გამო სხდომა ერთი თვით გადაიდო.
ზუგდიდის ახალი მოწვევის საკრებულოში 45 წევრია, აქედან „ქართული ოცნება“ 20 კანდიდატითაა წარმოდგენილი, „ერთიანი ნაციონალური მოძრაობაა“ 22-ით, ხოლო გახარიას პარტია – 3 მანდატით.
