საქართველოს სტატისტიკის ეროვნული სამსახურის ინფორმაციით, თებერვალში ფასები ძირითადად სურსათსა და უალკოჰოლო სასმელებზე, ბოსტნეულსა და ბაღჩეულზე, მინერალურ და წყაროს წყლებზე, ნატურალურ წვენებზე, თევზეულზე, ზეთსა და ცხიმზე, პურსა და პურპროდუქტებზე და ტრანსპორტზე გაიზარდა.
„სურსათი და უალკოჰოლო სასმელების ჯგუფში ფასები გაიზარდა 2.1%-ით, რაც თვის ინფლაციაზე 0.67%-ული პუნქტით აისახა. ფასები მომატებულია შემდეგ ქვეჯგუფებზე: ბოსტნეული და ბაღჩეული (10.8%), მინერალური და წყაროს წყალი, უალკოჰოლო სასმელები და ნატურალური წვენები (6.8%), შაქარი, ჯემი და სხვა ტკბილეული (3.1%), ზეთი და ცხიმი (3.0%), ყავა, ჩაი და კაკაო (2.7%), პური და პურპროდუქტები (1.7%); თევზეული (1.4%). ტრანსპორტის ჯგუფში ფასები გაიზარდა 1.0%-ით, რაც 0.12%-ული პუნქტით აისახა მთლიანი ინდექსის ზრდაზე. ფასები, ძირითადად, მომატებულია სატრანსპორტო მომსახურების ქვეჯგუფზე (3.8%). რაც შეეხება ფასების შემცირებას, ფასები შემცირდა, რძეზე, ყველსა და კვერცხზე. ფასის შემცირება 2.7%-ით მოხდა. ტანსაცმლისა და ფეხსაცმლის ჯგუფში დაფიქსირდა ფასების 4.1%-იანი კლება, რაც თვის ინფლაციაზე -0.15%-ული პუნქტით აისახა. ფასები შემცირდა როგორც ფეხსაცმლის (-7.4%), ისე ტანსაცმლის (-2.6%) ქვეჯგუფებზე,”- ნათქვამია ინფორმაციაში.
რაც შეეხება წლიურად ფასების ცვლილების მაჩვენებლს, „საქსტატის“ ინფორმაციით, ფასები ყველაზე მეტად ელექტროენერგიაზე, აირსა და სათბობის სხვა სახეებზე გაიზარდა.
