თემქაზე ბუნებრივი აირის დაგროვების შედეგად საცხოვრებელი კორპუსის ბინა აფეთქდა. მეათე სართულის ბინა დაკეტილი იყო და შემთხვევის დროს იქ არავინ დაშავებულა.
როგორც საგანგებო სიტუაციების მართვის სამსახურში აცხადებენ, აფეთქებისას დაინგრა კედელი, ჩაიმსხვრა მინები და ჩამოიშალა ჭერი. დაზიანდა კორპუსთან მდგომი რამდენიმე მანქანა. კორპუსში მდებარე სხვა ბინები არ დაზიანებულა. შემთხვევის ადგილზე საგანგებო საიტუაციების მართვის სამსახურის სახანძრო სამაშველო ჯგუფები მუშაობდნენ.
მარიანა ქევხიშვილი
