კახეთის გუბერნატორმა ირაკლი შიოშვილმა ტყუილი უწოდა „ნაციონალური მოძრაობის“ წევრის, გიორგი ბოტკოველის განცხადებას, რომლის თანახმად, “ქართული ოცნების” შეხვედრიდან დაბრუნებული ირაკლი შიოშვილი ნასვამ მდგომარეობაში მართავდა მანქანას. ბოტკოველის მტკიცებით, ავტოსაგზაო შემთხვევა მოხდა, რა დროსაც სახელმწიფოს კუთვნილებაში არსებული მანქანა დაზიანდა.
„ვმოძრაობდი ბაკურციხე-გურჯაანის შემოვლით გზაზე, თელავის მიმართულებით. სიღნაღში ვიყავი საქმეზე და უკან ვბრუნდებოდი. ეს ამბავი არანაირ კავშირში არ არის იმ ღონისძიებასთან. საჭესთან მე ვიჯექი და მსუბუქი დაზიანებები მივიღე. სხვა არავინ დაშავებულა. რაც შეეხება ნასვამობას, ეს არის საფუძველს მოკლებული და კიდევ ერთი ტყუილი. იცით, რომ პოსტკოვიდურ პერიოდს გავდივარ და მკურნალობას ვაგრძელებ გართულებებზე. აქედან გამომდინარე ნასვამი ვერანაირად ვერ ვიქნებოდი”, – განაცხადა კახეთის გუბერნატორმა ირაკლი შიოშვილმა.
