პარლამენტის იურიდიულ საკითხთა კომიტეტმა ცესკოს თავმჯდომარის პოსტზე გიორგი კალანდარიშვილის კანდიდატურას გაუწია რეკომენდაცია. პრეზიდენტის მიერ პარლამენტისთვის წარდგენილი იყო: ასევე თენგიზ თევზაძე, თუმცა ამ უკანასკნელმა ვერ მიიღო იურიდიულ საკითხთა კომიტეტის დამსწრე წევრთა მხარდაჭერა.
27 იანვრის სხდომაზე კენჭი უყარეს საარჩევნო კომისიის წევრობის კანდიდატებსაც. 2 ვაკანტურ პოზიციაზე 4 კანდიდატურა იყო წარმოდგენილი: ქრისტინე ქაჯაია, ლევან ისაკაძე, მაია ზარიძე და გია ცაცაშვილი.
კომიტეტმა რეკომენდაცია გაუწია ზარიძესა და ცაცაშვილს.
ამასთან, კომიტეტმა შეიმუშავა რეკომენდაცია, როგორც კალანდარიშვილის, ისე ზარიძე-ცაცაშვილის კანდიდატურებს პარლამენტის პლენარულ სხდომაზე საკითხის განხილვის გარეშე უყარონ კენჭი.
