საქართველოს კალათბურთის ფედერაციის პრეზიდენტობის არჩევნებში ერთადერთი კანდიდატი „ქართული ოცნების“ წევრი ვიქტორ სანიკიძე იღებს მონაწილეობას.
ფედერაციის ყოფილმა პრეზიდენტმა პაატა გურასპაულმა და ვიქტორ სანიკიძემ 8 დეკემბერს ფედერაციაში ერთობლივი ბრიფინგი გამართეს, სადაც გურასპაულმა კანდიდატურის მოხსნის შესახებ განაცხადა.
პაატა გურასპაულის განმარტებით, ეს გადაწყვეტილება ერთობლივი ფიქრის შედეგია და ერთიანად უფრო სარგებელს მიუტანენ კალათბურთს, ვიდრე ცალ-ცალკე.
შეგახსენებთ, რომ კალათბურთის ფედერაციის პრეზიდენტის ასარჩევად კრება 2021 წლის 11 დეკემბერს, 13:00 საათზე, „ქორთიარდ მარიოტის“ საკონფერენციო დარბაზში გაიმართება.
