საქართველოში ევროკავშირის ელჩის კარლ ჰარცელის განცხადებით, 19 აპრილის შეთანხმების შეუსრულებელ საკითხებთან დაკავშირებით კითხვები რჩება, განსაკუთრებით რეფორმების ვალდებულებასთან დაკავშირებით, მათ შორის მართლმსაჯულების რეფორმის ვალდებულებასთან დაკავშირებით, საკონსტიტუციო ცვლილებებთან დაკავშირებით. ეს განცხადება მან არასამთავრობო ორგანიზაციების მიერ შარლ მიშელის სახელით ცნობილი დოკუმენტის „მომავლის გზა საქართველოსთვის“ პირობების შესრულების მონიტორინგის შედეგების წარდგენამდე გააკეთა.
„ერთი მხრივ მოხარული ვარ იმ პროგრესის ხილვით, რისი მიღწევაც მოხდა, განსაკუთრებით გასულ ზაფხულში, შეთანხმებაში შემავალი პრინციპებისა და ვალდებულებების ნაწილთან დაკავშირებული წინსვლის კუთხით. ვფიქრობ, ეს საქართველოსთვის სასარგებლო იყო. რაც შეეხება შეუსრულებელ საკითხებს, რჩება კითხვები მათთან დაკავშირებით, განსაკუთრებით რეფორმების ვალდებულებასთან დაკავშირებით, მათ შორის მართლმსაჯულების რეფორმის ვალდებულებასთან დაკავშირებით, საკონსტიტუციო ცვლილებებთან დაკავშირებით. ეს საკითხები მნიშვნელოვან საკითხებად რჩება, რადგან ეს არის გზა, რომელიც საქართველომ უნდა შეინარჩუნოს იმის უზრუნველსაყოფად, რომ ძლიერი დემოკრატიული ქვეყნის შენება გააგრძელოს,“ – აღნიშნა ელჩმა.
