პროკურატურის მიერ წარდგენილი მტკიცებულებების საფუძველზე სენაკში კაცს, რომელმაც დედას ორლულიანი თოფით სხეულის სხვადასხვა არეში რამდენჯერმე ესროლა, 14 წლით თავისუფლების აღკვეთა მიუსაჯეს.
სენაკის რაიონულმა სასამართლომ გაიზიარა ბრალდების მხარის პოზიცია და თქვა, რომ ბრალდებულმა ქალს გენდერის ნიშნით შეუწყნარებლობის მოტივითა და მოკვლის მიზნით ესროლა. შემთხვევა 2021 წლის 29 იანვარს მოხდა.
უწყების ინფორმაციითვე, კაცმა მიმალვა სცადა, ქალი კი ექიმებმა გადაარჩინეს.
სენაკის რაიონულმა სასამართლომ ბრალდებული სრულად ცნო დამნაშავედ წარდგენილ ბრალდებაში საქართველოს სისხლის სამართლის კოდექსის 111-19-109-ე მუხლის მეორე ნაწილის „დ1“ და „ვ“ ქვეპუნქტით (დამამძიმებელ გარემოებებში ჩადენილი მკვლელობის მცდელობა გენდერის ნიშნით ოჯახის წევრის მიმართ) და სასჯელის სახედ და ზომად 14 წლით თავისუფლების აღკვეთა განუსაზღვრა.
