ადგილობრივ თვითმმართველობათა ეროვნული ასოციაციის პრეზიდენტად დედაქალაქის მერი კახა კალაძე მეორე ვადით აირჩიეს. მისი თქმით, ის ყველაფერს გააკეთებს, რომ თვითმმართველობები გაძლიერდეს.
“დღეს ადგილობრივ თვითმმართველობათა ეროვნული ასოციაციის არჩევნები გაიმართა. პრეზიდენტად ხელმეორედ ამირჩიეს, რაც ჩემთვის დიდი პატივი და პასუხისმგებლობაა. მინდა მადლობა გადავუხადო ყველა იმ ადამიანს, ვინც მხარდაჭერა გამომიცხადა. მე ყველაფერს გავაკეთებ, რომ თვითმმართველობების გაძლიერებაზე ვიზრუნო. ბოლო 4 წლის განმავლობაში წინ გადაგმული ნაბიჯები გვაქვს. მინდა გამოვყო დედაქალაქის მერია, მუნიციპალიტეტი, სადაც მნიშვნელოვანი რეფორმები განხორციელდა. რა თქმა უნდა, ყველაფერს გავაკეთებთ, რომ სხვა თვითმმართველმა ქალაქებმა ანალოგიური რეფორმები განახორციელონ”,- აღნიშნავს კალაძე.
