მამუკა ხაზარაძის, ბადრი ჯაფარიძისა და ავთანდილ წერეთლის სასამართლო პროცესი ე.წ. ფულის გათეთრების საქმეზე რეპლიკების ეტაპზე 11 იანვრამდე გადაიდო. პროკურორ არჩილ ტყეშელაშვილის განმარტებით, რეპლიკისთვის დრო სჭირდებათ.
აღნიშნულ შუამდგომლობას არ დათანხმა დაცვის მხარე. როგორც ადვოკატმა ზვიად კორძაძემ განმარტა, პროკურატურა “თავქუდმოგლეჯილი ჩქარობდა ამ საქმის დასრულებას, ახლა კი დროს წელავს”.
ხოლო მოსამართლე გიორგი არევაძის თქმით, იმ შემთხვევაში, თუკი სხდომას რამდენიმე დღით გადადებს, განაჩენის გამოცხადება სადღესასწაულო დღეებს დაემთხვევა.
საბოლოოდ, რეპლიკების ეტაპით სხდომა 11 იანვარს, 11:00 საათზე განახლდება, რის შემდეგაც მოსამართლე სათათბიროდ გავა.
