ხელოვნების სფეროს წარმომადგენლები, რომლებიც სააკაშვილის გათავისუფლებას ითხოვენ, ჩემი კოლეგები აღარ არიან და მე მათ აღარ მივესალმები. ეს ის ხალხია, რომელმაც 1937 წელი შექმნა, – ამის შესახებ რეჟისორმა რობერტ სტურუამ განაცხადა.
მისივე თქმით, მაშინ ბოროტების უფრო დიდმა ძალამ, როგორიც იყო იოსებ სტალინი და მისი მოწაფე ლავრენტი ბერია, გაითვალისწინეს, რომ ინტელიგენციაში არის მხდალი ხალხი, რომელიც გაყიდის საკუთარ მეგობრებს, უდიდეს პოეტებს.
„თქვენ იცით, რა წერილები დაიწერა ჯავახიშვილის, ტაბიძის წინააღმდეგ. ესენი მათი პირდაპირი შთამომავლები არიან. 5 წელი გავა და შერცხვებათ, მაგრამ ხელმოწერები ხომ დარჩება? თუ დარჩებათ სინდისი, ძალიან ინანებენ“, – აცხადებს რობერტ სტურუა.
