„ქართული ოცნების“ აღმასრულებელი მდივანი ირაკლი კობახიძე კვლევითი ორგანიზაცია IPSOS-ს კვლევებს გამოეხმაურა, რომლის მიხედვით 2020 წლის საპარლამენტო არჩევნებზე „ნაციონალური მოძრაობის“ წევრები იმარჯვებენ.
„გუშინ დაიდო მონაცემები ე.წ. IPSOS-ის, რომლის მიხედვითაც ნიკა მელია, ლევან ხაბეიშვილი და გიორგი ბოტკოველი არჩევნებს იგებენ პირველ ტურში, მარტივად მინდა გითხრათ ერთი რამ, თუ ჩვენი სამი კანდიდატიდან: კობიაშვილი გლდანში, სოზარ სუბარი სამგორში და ქადაგიშვილი თელავის, ახმეტის, ყვარელის, ლაგოდეხის ოლქში თუ რომელიმე ერთი მათგანი მაინც ვერ მოიგებს არჩევნებს, მე პოლიტიკიდან წავალ. ხოლო თუ სამივე მოიგებს, შევთანხმდეთ, რომ ნიკა გვარამია ქართული მედიიდან და პოლიტიკიდან წავიდეს“, – აღნიშნა კობახიძემ.
