2021 წელს ცენტრალურმა მთავრობამ 19 799 000 000 ლარი დახარჯა, რაც სახელმწიფო ბიუჯეტის გეგმის 100% იყო – ამის შესახებ ფინანსთა მინისტრმა ლაშა ხუციშვილმა განაცხადა. მინისტრის თქმით, ნაერთი ბიუჯეტის ხარჯებმა 22 260 000 000 ლარი შეადგინა, რაც ასევე გეგმის 100% იყო.
,,2021 წელს ორჯერ შევიტანეთ ბიუჯეტში ცვლილებები, მხოლოდ საგგადასახადო შემოსავლების ნაწილი 1.2 მილიარდით გავზარდეთ, შემოსავლების გეგმა იყო 13 271 000 000 ლარი ფაქტიური შესრულება კი იყო 13 380 000 000 ლარი. დაზუსტებულ გეგმასთან შედარებით გადაჭარბება გვაქვს 109 მილიონი ლარი.
უპრეცედენტოდ მაღალი იყო მეტობით გადახდილი დღგ-ის დაბრუნება, რამაც 1 930 000 000 ლარი შეადგინა, რაც ჯამურად აღემატება ამ რეფორმის დაწყებამდე ბოლო 11 წელში ჯამურად დაბრუნებულ დღგ-ს,” – განაცხადა ფინანსთა მინისტრმა.
2022 წელს სახელმწიფო ბიუჯეტის ხარჯები 19 171 000 000 ლარი იქნება.
