მთავრობის მიერ დამატებით შემუშავებული ანტიკრიზისული ღონისძიებები, რომელმაც უნდა შეამსუბუქოს ეკონომიკური კრიზისის ნეგატიურ შედეგები, საზოგადოებას უახლოეს მომავალში წარედგინება. საკითხზე მთავრობის შეხვედრა გაიმართა, სადაც გიორგი გახარიას საკუთარი წინადადებები წარუდგინა როგორც ჯანდაცვის, ასევე ფინანსთა მინისტრებმა.
“გრძელდება მუშაობა იმ ღონისძიებებთან დაკავშირებით, რომელსაც მთავრობა უახლოეს მომავალში წარადგენს, რათა მოხდეს იმ ნეგატიური შედეგების შერბილება, რომელიც ჩვენს ეკონომიკას ბოლო თვეების განმავლობაში დაადგა”- განაცხადა ფინანსთა მინისტრმა ივანე მაჭავარიანმა.
“წლის ბოლომდე, როგორც საერთაშორისო სავალუტო ფონდის, ასევე ჩვენი პროგნოზებით ველოდებით -4%-იან ეკონომიკურ შემცირებას. ამიტომ, საქართველოს მთავრობა აგრძელებს მუშაობას ანტიკრიზისული ეკონომიკური ღონისძიებების შემუშავებაზე და უახლოეს მომავალში ჩვენ წარვუდგენთ დამატებით პაკეტს ჩვენს საზოგადოებას,”- განაცხადა საქართველოს პრემიერ-მინისტრის მრჩეველმა ეკონომიკურ საკითხებში ბექა ლილუაშვილმა.
