ევროპული საბჭოს პრეზიდენტი საქართველოში პირად წარმომადგენელს აგზავნის. კრისტიან დანიელსონი საქართველოში ევროკავშირის მიერ მხარდაჭერილ დიალოგში ჩაერთვება.
საბჭოს ვებგვერდზე გავრცელებული ინფორმაციის თანახმად, შარლ მიშელმა დანიელსონს მანდატი ჟოზეფ ბორელთან შეთანხმებით მიანიჭა.
ევროპული საბჭოს პრეზიდენტის პირადი წარმომადგენელი ქვეყანაში არსებული პოლიტიკური დაძაბულობის დაძლევის მიზნით მედიაციას გაუწევს საქართველოს პოლიტიკურ პარტიებს შორის დიალოგს და მჭიდროდ ითანამშრომლებს ევროკავშირის ელჩ კარლ ჰარცელთან. ის საქართველოში ახლო მომავალში ჩამოვა.
