საქართველოს ყოფილი პრეზიდენტი მიხეილ სააკაშვილი აცხადებს, რომ თუ სიცოცხლით ვეღარ შველის ქვეყანას, იქნებ სიკვდილი მაინც აღმოჩნდეს გზის მანათობელი.
“დღეს მე ქართული საზოგადოება ვიზუალურად ვერ მხედავს და არც ჩემი ხმა ისმის ლაივში, და თუ ჩემი სიცოცხლით ვეღარ ვუშველი ჩემს ქვეყანას, იქნებ ჩემი სიკვდილი მაინც აღმოჩნდეს გზის მანათობელი . ამას ვამბობ ყოველგვარი პათეტიკის გარეშე”,- განაცხადა მან „მთავარ არხთან“ ინტერვიუში.
მან ისაუბრა არჩევნების მეორე ტურზეც. მისი თქმით, ახლა მათი ამოცანაა მოიგონ ყველა დიდი ქალაქი და ეს ნიშნავს, რომ ოლიგარქის ყოვლისშემძლეობის მითი საბოლოოდ დასამარდება და ხალხი საბოლოოდ ირწმუნებს თავის ძალას. სააკაშვილის თქმით, ქალაქებში უფრო რთულია გაყალბება და თუ ძალიან ბევრი იქნებიან გაყალბების მასშტაბები არ ეყოფათ.
მისივე თქმით, ოპოზიციას უნდა რეფერენდუმი, იმაზე, რომ პარლამენტი დაბრუნდეს ქუთაისში, სადაც დამტკიცდება კოალიციური მთავრობა.
