საქართველოს მესამე პრეზიდენტმა, მიხეილ სააკაშვილმა თავისი სასამართლო პროცესიდან ბიძინა ივანიშვილს მიმართა: “ცუდი ამბავი მაქვს შენთვის, ივანიშვილს მინდა ვუთხრა. ძალიან არასწორი “სტავკა” გააკეთე ძმაო, ადრე გიმართლებდა, მაგრამ ახლა პუტინის გამარჯვებაზე რომ დააყენე „სტავკა“, ასე როგორ „დაგოიმდი“?
ჩირგვებში რომ დაიმალე და რეზოლუცია რომ გამოატანინე, ღარიბაშვილი რომ დაავადდა კოვიდით, როცა ანდჟეი დუდა ჩამოდიოდა. მან მოითხოვა, საქართველოს პრემიერ-მინისტრი შეხვედროდა, სალომე ზურაბიშვილთან შეუძლია ამინდზე ილაპარაკოს, მაგრამ სალომე ზურაბიშვილი არაფერს წყვეტს. მოითხოვა პრემიერ-მინისტრ ღარიბაშვილთან შეხვედრა, თუმცა, მას შემდეგ ღარიბაშვილი აორთქლდა, კოვიდი დაემართაო“, – მიმართა სააკაშვილმა ივანიშვილს.
მისი თქმით, დღეს საქართველო რუსეთის შესაძლო აგრესიის წინააღმდეგ სრულიად მარტოა და სახუმარო სიტუაცია არ აქვს.
„ახლა არის ის, რაზეც მე ვსაუბრობდი, სამწუხაროდ, ჩვენს საზღვრებსა და საზღვრებს შიგნით ხდება. აქტიური ბორდერიზაცია მიდის, 200 კვ კილომეტრის დამატება ოკუპირებულ ტერიტორიებზე. ივანიშვილი, რომელსაც თავი მოაქვს იმაზე, რომ მის დროს ომი არ იყო, მის დროს საქართველომ დაკარგა ქალაქ სოხუმისხელა ტერიტორია ერთი გასროლის გარეშე. როდესაც რუსეთს 2009 წელს ანაკლიის წაღება უნდოდა, მე მომიხდა ორჯერ ჩასვლა ბაიდენთან, მომიხდა პრეზიდენტ ობამასთან ჩასვლა და რამდენჯერმე დალაპარაკება“, – განაცხადა სააკაშვილმა.
