საქართველოს ეროვნულმა ბანკის მიერ გამოქვეყნებული კომერციული ბანკების 2019 წლის მეოთხე კვარტლის ფინანსური მაჩვენებლების მიხედვით, საქართველოში მოქმედი კომერციული ბანკების ანგარიშზე ჯამში 220 049 010 ლარის ღირებულების უძრავი და მოძრავი ქონებაა დასაკუთრებული. 2018 წელთან შედარებით ეს მაჩვენებელი 70 462 819 ლარით არის გაზრდილი.
2019 წლის მეოთხე კვარტლის მონაცემებით, „საქართველოს ბანკმა“ 99 065 797 ლარის ღირებულების ქონება დაისაკუთრა. გასული წლის ანალოგიურ პერიოდში ეს მაჩენებელი 56 934 467 ლარს შეადგენდა.
მეორე ადგილზეა „თიბისი ბანკი“. მამუკა ხაზარაძის ბანკის მის მიერ დასაკუთრებული უძრავი და მოძრავი ქონება ამავე პერიოდში 78 384 425 ლარს უტოლდება, რაც წინა წლის ანალოგიურ პერიოდთან შედარებით 31 629 624 ლარით გაიზარდა.
მათ მიერ დასაკუთრებული ქონება ჯამში შეადგენს 177 450 222 ლარს, რაც საფინანსო ინსტიტუტების მიერ მთლიანად დასაკუთრებული ქონებების 80,5%-ია. უფრო მეტიც, ცალ ცალკე აღებულიც თითოეული მათგანის მიერ დასაკუთრებული ქონება ორჯერ აღემატება ყველა დანარჩენი საფინანსო ინსტიტუტის მიერ ერთად დასაკუთრებულ ქონებას.
