საბურთალოზე ოპოზიციის მსვლელობა მიმდინარეობდა. ბუკიას ბაღიდან პოლიტიკური პარტიების ლიდერები და მხარდამჭერები სამედიცინო უნივერსიტეტის მიმართულებით მოძრაობდნენ. მსვლელობის მთავარი მიზანი მოსახლეობის ინფორმირებაა, ოპოზიციის წევრები მოქალაქეებს 8 ნოემბრის აქციაზე მისვლისკენ მოუწოდებდნენ.
ოპოზიციური პოლიტიკური პარტიების ლიდერები აცხადებენ, რომ ისინი კიდევ ერთხელ შეახსენებ მოქალაქეებს, რათა ისინი კვირას აქციაზე მივიდნენ და ხელისუფლებას უთხრან, რომ არჩევნების გაყალბებას არ შეეგუებიან.
„კონკურენტებიც კი ერთად ვდგავართ, იმიტომ რომ მოქალაქის ხმებისა და უფლებებისთვის ვიბრძვით“, – განაცხადა „ევროპული საქართველოს“ მაჟორიტარობის კანდიდატმა ელენე ხოშტარიამ.
,,ეს ჩვენი პროტესტია და ამ ქვეყნის დათმობას არ ვაპირებთ“, – აცხადებს „ნაციონალური მოძრაობის“ მაჟორიტარობის კანდიდატი ხატია დეკანოიძე.
