საქართველო 2021 წლის ,,კეთილდღეობის ინდექსში“ 167 ქვეყნიდან 53-ე ადგილზე გავიდა და რეიტინგი წინა წელთან შედარებით ორი ადგილით გაიუმჯობესა. შეფასების 100 ბალიანი სისტემით წელს 62.3 ქულა მიიღო. გლობალური კეთილდღეობის ანგარიშს ბრიტანული ანალიტიკური ცენტრი Legatum Institute 2007 წლიდან აწარმოებს.
ორგანიზაცია Legatum Institute გლობალურ კეთილდღეობას 12 აგრეგატის მიხედვით აფასებს, მათგან საქართველოს ყველაზე მოწინავე – 44-ე ადგილი საინვესტიციო გარემოს კრიტერიუმში აქვს, ყველაზე დაბალი შეფასება კი ქვეყანას ეკოლოგიის მიმართულებით აქვს და ქვეყნებს შორის 124-ე ადგილს იკავებს.
2021 წელს საქართველო კეთილდღეობის მსოფლიო რეიტინგში ყველა მეზობელ ქვეყანას უსწრებს, პოსტსაბჭოთა ქვეყნებიდან კი მხოლოდ ბალტიისპირეთს ჩამორჩება.
