დეკანოზმა მიქაელ ბოტკოველმა პატიმრობაში მყოფ მიხეილ სააკაშვილს ილია II-ის წერილი მიუტანა. მისი თქმით, კიდევ ერთხელ მივიდა ბატონ მიხეილ სააკაშვილთან მისი უწმინდესობის ლოცვა-კურთხევით წერილის გადასაცემად.
“წერილის შინაარსი შეეხება მის პრინციპულ პოზიციას შიმშილობასთან დაკავშირებით. მინდა ეს წერილი გადავცე და მოვიკითხო მისი უწმინდესობის სახელით. თხოვნა და რჩევაა მისი უწმინდესობის, რომ შეწყვიტოს შიმშილობა”, – განაცხადა პატრიარქის მდივანმა ბოტკოველმა.
მან ასევე აღნიშნა, რომ საპატრიარქო სალომე ზურაბიშვილს ვერ სთხოვს მიხეილ სააკაშვილის შეწყალებას, რადგან ამის უფლება ქვეყნის პრეზიდენტს ეკუთვნის.
