მთავრობის ადმინისტრაციის უფროსის ნათია მეზვრიშვილის თქმით, მეორე ტალღასთან ბრძოლის პროცესში ახალი გადაწყვეტილებები მიიღეს.
„სამ ქალაქში, თბილისში, ქუთაისსა და ბთუმში მკაცრ რეკომენდაციას გავცემთ, რომ გარე სივრცეებში პირბადეები ატაროთ. განსაკუთრებით, იმ ადგილებში, სადაც დისტანციის დაცვა შეუძლებელია“, – აღნიშნა ნათია მეზვრიშვილმა.
მისი თქმით, ეს გაკონტროლდება შესაბამისი სამსახურების მიერ და გარე სივრცეებში პირბადის ტარების წესი დღეიდან ამოქმედდება.
„ამ ეტაპზე ამ წესს სარეკომენდაციო სახე აქვს“, – დასძინა ნათია მეზვრიშვილმა.
