ქუთაისის აეროპორტში აბუ-დაბიდან პირველი რეისი დაეშვა. ქუთაისის განახლებულ საერთაშორისო აეროპორტში ოპერირება ახალმა ავიაკომპანია ვიზეარ Abu Dhabi-მ დაიწყო. ახლო აღმოსავლეთში მოხვედრა პირდაპირი რეგულარული რეისებით გახდა შესაძლებელი. რეისები კვირაში ორი სიხშირით სრულდება.
პირველ რეისს 228 მგზავრი ჩამოყვა, რომელთაც საქართველოს აეროპორტების გაერთიანების ორგანიზებით ქუთაისის აეროპორტში ტრადიციული სიმბოლური საჩუქრები დაურიგდათ.
როგორც აეროპორტების გაერთიანებაში აცხადებენ, Wizz Air Abu Dhabi-ს ავიაფლოტი მთლიანად ახალი, Airbus A321neo-ებისგან არის დაკომპლექტებული. ავიაკომპანის ბაზა არაბთა გაერთიანებული საამიროების დედაქალაქში მდებარეობს. ავიაკომპანიის მენეჯმენტის განცხადებით, ზაფხულის სანავიგაციო სეზონზე აბუ-დაბიდან ქუთაისის მიმართულებით სიხშირეების გაზრდას გეგმავს.