18-დან 50 წლამდე ასაკის მოქალაქეებისთვის თავდაცვის სამინისტრომ რეზერვის პროგრამაზე მიღება გამოაცხადა, – ამის შესახებ საქართველოს თავდაცვის ძალების გენერალურ შტაბში გამართულ ბრიფინგზე საქართველოს ეროვნული გვარდიის მეთაურმა, პოლკოვნიკმა რომან ჯოხაძემ განაცხადა.
მისი თქმით, აქტიური რეზერვის პროგრამის წარმატებული განხორციელება ქვეყნის თავდაცვისუნარიანობის და თავდაცვის ძალების შესაძლებლობების განვითარების მნიშვნელოვანი კომპონენტია. აქტიური რეზერვი წარმოადგენს სამხედრო ვალდებულების მოხდის ნებაყოფლობით ფორმას, რომელიც საშუალებას მისცემს მოქალაქეებს, თავდაცვის ძალების სამხედრო მოსამსახურეების მხარდამხარ, აქტიურად ჩაერთონ ქვეყნის თავდაცვაში.
