რუსეთის საგარეო საქმეთა სამინისტრო “საქართველოს მხრიდან რუსეთის, აფხაზეთისა და სამხრეთ ოსეთის საზღვრების უკანონოდ გადაკვეთასთან დაკავშირებით გახშირებულ ინციდენტებს ეხმიანება”.
განცხადებაში აღშნინულია, რომ „მიუხედავად საკმაოდ სერიოზული, მსგავსი დარღვევების ზოგჯერ პროვოკაციული ხასიათისა და რუსული მხარის განწყობა, რომ გადაჭრას ასეთი ტიპის საკითხები მაქსიმალურად არაპოლიტიზებულად და მოქნილად, სამწუხაროდ, თბილისში კიდევ ერთხელ ცდილობენ, მოაწყონ ამისგან პოლიტიკური სპექტაკლი და პასუხისმგებლობა სხვას დააკისრონ”.
“განსაკუთრებულად უადგილოდ მიგვაჩნია, რუსეთის პროვოკაციებში, მედვედევ-სარკოზის 2008 წლის 12 აგვისტოს გეგმის „უხეშ დარღვევასა“ და გაერო-ს გენერალური მდივნის მოწოდების უპატივცემულობაში დადანაშაულება, “პანდემიის პერიოდში ცეცხლის საყოველთაოდ შეწყვეტის მოწოდებასთან დაკავშირებით“, – აღნიშნულია განცხადებაში.
რუსეთის საგარეო უწყება მოუწოდებს, საქართველოს ხელისუფლებას დაასრულოს “პროვოკაციული ქმედებები და განცხადებები და გამოიყენოს რუსეთთან, აფხაზეთთან და სამხრეთ ოსეთთან არსებული დიალოგის ფორმატები, ორმხრივ კონსტრუქციულ ჭრილში არსებული პრობლემების მოსაგვარებლად. საქართველოს ხელისუფლებისგან მოველით, უფრო ენერგიულ განმარტებით სამუშაოებს საკუთარ მოსახლეობასთან, რათა არ დაუშვან საზღვრის უკანონო კვეთის ახალი შემთხვევები”.
“გახშირებული სასაზღვრო ინციდენტები კიდევ ერთხელ ადასტურებს თბილისს, სოხუმსა და ცხინვალს შორის, მოლაპარაკებების სწრაფად დაწყების მნიშვნელობას, საზღვრის დელიმიტაციისა და დემარკაციის შესახებ, ასევე ძალის გამოუყენებლობის შესახებ ერთობლივ, იურიდიულად სავალდებულო განცხადებასთან დაკავშირებით.
ცალკე გვსურს, აღვნიშნოთ სახელმწიფო დეპარტამენტისა და თბილისში აშშ-ს საელჩოს პროვოკაციული კომენტარები, რომლებიც უკვე ამერიკელებისთვის ტრადიციულ მანერად იქცა. მომხდარის არსში გარკვევის გარეშე, იცავენ თავიანთ ქართველ აღსაზრდელებს და ადანაშაულებენ მოსკოვსა და ცხინვალს. ეს ყველაფერი, სულ მცირე, ძირს უთხრის ვაშინგტონის, როგორც ჟენევის დისკუსიების მიუკერძოებელი მონაწილის პოზიციებს“, – ნათქვამია განცხადებაში.
მონიკა დავლიანიძე
