რუსეთის საგარეო საქმეთა მინისტრის სერგეი ლავროვის განცხადებით, რუსეთი NATO-ში საკუთარი მისიას 1 ნოემბრიდან შეწყვეტს. მიზეზი ალიანსის მიერ რუსული მისიის წევრთა რაოდენობის შემცირება და რუსი დიპლომატების აკრედიტაციის გაუქმებაა.
ლავროვის ინფორმაციით, მუშაობას ასევე შეწყვეტს ალიანსის სამხედრო წარმომადგენლობა მოსკოვში. ამასთანავე, დაიხურება საინფორმაციო ცენტრი, რომელიც განთავსებულია ბელგიის სამეფოს საელჩოში.
NATO-მ 6 ოქტომბერს განაცხადა, რომ ალიანსში რუსული მისიის წევრთა რაოდენობა 20-დან 10 წევრამდე შემცირდებოდა. ალიანსმა რუს დიპლომატებს ბრიუსელის დატოვება ოქტომბრის ბოლომდე მოსთხოვა.
ჩრდილო-ატლანტიკური ალიანსი აცხადებს, რომ დიპლომატები, რომელთაც ბრიუსელი უნდა დატოვონ, სინამდვილეში უშიშროების ოფიცრები არიან, რასაც რუსეთი უარყოფს.
