არასამთავრობო ორგანიზაცია “საერთაშორისო გამჭვირვალობა საქართველომ” პარლამენტის საქმიანობის ანგარიში წარადგინა. მონიტორინგის ფარგლებში ორგანიზაციამ 2019 წლის 1 იანვრიდან 2019 წლის 31 დეკემბრამდე პერიოდში საკანონმდებლო ორგანოს საქმიანობა შეაფასა. როგორც შესწავლილ მასალაშია აღნიშნული, გასულ წელს პარლამენტში 46-ჯერ დაიბარეს ანგარიშვალდებული პირები, 21 შემთხვევაში თანამდებობის პირი არასაპატიო მიზეზით არ დაესწრო კომიტეტის სხდომას. ,, მინისტრებმა ძალიან ბევრ შემთხვევაში უარი თქვეს მისულიყვნენ კომიტეტის სხდომებზე მაშინ, როცა ეს ოპოზიციურმა ფრაქციებმა მოიწვიეს. კვლავ მაღალია იმ დეპუტატების რიცხვი, რომლებიც საერთოდ არ სარგებლობენ სიტყვით გამოსვლით უფლებით. 2019 წელს 21 დეპუტატს საერთოდ არ ჩაურთავს მიკროფონი და არ გამოსულა პლენარულ სხდომებზე. საკმაოდ ხშირი იყო გაცდენების შემთხვევებიც და არაერთ დეპუტატს დაექვითა ხელფასი. მთელი წლის განმავლობაში განსაკუთრებით პრობლემური იყო პარლამენტის შენობაში შესვლა” ნათქვამია ანგარიშში.
2019 წლის განმავლობაში ჩართულობის კუთხით პარლამენტის ყველაზე აქტიურ წევრს, ორგანიზაციის ანგარიშის მიხედვით, ყველაზე მეტი კანონპროექტის ინიციატორია რატი იონათამიშვილი.
„პლენარული სხდომის ყველაზე აქტიური მონაწილეა საპარლამენტო უმრავლესობიდან – ანრი ოხანაშვილი, პლენარული სხდომის ყველაზე აქტიური მონაწილე უმრავლესობის გარეთ არსებული ფრაქციებიდან (ოპოზიცია) – ეკა ბესელია, ყველაზე მეტი სადეპუტატო კითხვის ავტორი- სერგი კაპანაძე, ყველაზე აქტიური კომიტეტი – იურიდიულ საკითხთა კომიტეტი“, – ნათქვამია კვლევაში.
