სამშენებლო ან სხვა ინერტული ნარჩენით გარემოს დაბინძურების შემთხვევაში ფიზიკური პირის მიმართ ჯარიმა 25–ჯერ , ხოლო იურიდიული პირის მიმართ 10–ჯერ გაიზარდა. სახიფათო ნარჩენებით დაბინძურების შემთხვევაში კი 10–10–ჯერ. თბილისის მუნიციპალიტეტის მთავრობის სხდომაზე „ნარჩენების მართვის კოდექსში“ შეტანილი ამ ცვლილების შესახებ დედაქალაქის მერმა კახა კალაძემ განაცხადა. მისი თქმით, ამ მიმართულებით მუშაობა ისედაც აქტიურად მიმდინარეობდა, თუმცა ფიზიკური და იურიდიული პირები დაბალ ჯარიმას ადვილად იხდიდნენ და დაბინძურებას განაგრძობდნენ, სწორედ ამიტომ გახდა საჭირო დამატებით გამკაცრებული სანქციების შემოღება.
სახიფათო (სამედიცინო) ნარჩენის შემთხვევაში ფიზიკური პირი 500 ლარის ნაცვლად დაჯარიმდება 5 000 ლარით; იურიდიული პირი 1 000 ლარის ნაცვლად 10 000 ლარით; ხოლო სამშენებლო ან სხვა ინერტული ნარჩენის შემთხვევაში, ფიზიკური პირი 200 ლარის ნაცვლად– 5 000 ლარით; იურიდიული პირი კი 1 500 ლარის ნაცვლად 15 000 ლარით დაჯარიმდება.
მერიის შესაბამისი სამსახურები საკანონმდებლო ცვლილების აღსრულებას ყოველ დღე გააკონრტოლებენ.
მარიანა ქევხიშვილი
