2020 წლის საპარლამენტო არჩევნების ერთ–ერთი აქტიური ამომრჩეველი Tesla-ს ავტომობილს მოიგებს გირჩისგან. ზურაბ გირჩი ჯაფარიძე „Tesla”-ს პროექტით ცდილობს გაზარდოს ახალგაზრდა ამომრჩეველთა ჩართულობა ხმის მიცემის პროცესში. სახელმწიფო ბიუჯეტიდან პარტიისთვის გამოყოფილი თანხით მოხდება აღნიშნული ავტომობილის შეძენა და გათამაშება. შესაბამისად, რაც მეტ ხმას მიიღებს გირჩი, მით მაღალი იქნება საბიუჯეტო დაფინანსება და მეტი მანქანის ყიდვას შეძლებს პარტია გასათამაშებლად მომდევნო 4 წლის მანძილზე. არჩევნებში მონაწილეობის მიღება შეუძლია ცესკოს ამომრჩეველთა ერთიან სიაში დაფიქსირებულ საქართველოს ნებისმიერ მოქალაქეს.
გათამაშებაში მომაწილეობის მისაღებად უნდა დარეგისტრირდეთ „გირჩის“ პორტალზე Tesla–ს პროექტში, ხმის მიცემის შემდეგ გადაიღოთ სელფი საარჩევნო უბანთან და საკუთარ ფეისბუქ გვერდზე გამოაქვეყნოთ #მევიყავიარჩევნებზე.
მარიანა ქევხიშვილი