თბილისის საქალაქო სასამართლომ ბადრი პატარკაციშვილის საქმეზე განზრახ უკანონოდ დაკავებისა და სამსახურებრივი უფლებამოსილების გადამეტების ბრალდებით დაკავებული კუდ-ის ყოფილი მაღალჩინოსანი ლევან ქარდავა დამნაშავედ ცნო და შვიდი წლითა და ექვსი თვით თავისუფლების აღკვეთა მიუსაჯა.
გამოძიების ინფორმაციით, 2006 წელს ზაფხულში კუდის მიერ, ბიზნესმენ ბადრი პატარკაციშვილზე, მისი პოლიტიკური აქტიურობის გამო გამკაცრებული მეთვალყურეობა დაწესდა. დაიგეგმა ურეკში პატარკაციშვილის სახლზე თავდასხმა, რაც ბიზნესმენის სახლის მიმართულებით ცეცხლსასროლი იარაღიდან გასროლებს გულისხმობდა.ღონისძიების მიზანი პატარკაციშვილის პოლიტიკური აქტივობის შეწყვეტა იყო. 2018 წლის 17 ოქტომბერს, საქართველოს მთავარმა პროკურატურამ ფარული ჩანაწერები გაავრცელა. ჩანაწერების მიხედვით, ლევან ქარდავას, რევაზ შიუკაშვილსა და გიორგი მერებაშვილს სამსახურებრივი უფლებამოსილების გადამეტებასა და დამამძიმებელ გარემოებებში მკვლელობის მომზადებას ედავებოდნენ. ამასთან, ჩანაწერების თანახმად, პატარკაციშვილის ლიკვიდაცია მიხეილ სააკაშვილის მიერ იყო სანქცირებული.
